khil we lil

آخرلك طلعة يا أخيب ميلود
تجبد في الأعراض
أعراض اسيادك و للاواتك
°°°
آخر طلعة ليك
ياكبير الدجَّالة
أنت واللي وراك
من أضعاف العقل و امخاخ المحتَالة
°°°
آخر طلعة ليكم
يا عقيدة بودورو
كي رجَّعتو اسيادكم لتونس عديان
ياللي كي تلقاو
تبيعوا تونس واهلها
لكشط الوهَّابة
ودولارات القاز
°°°
آخر طلعة ليكم
كيف نفذ ذكاكم
وبنتو بالكاشف
أفقر من فؤاد
هاك الولية
يعطيكم والله دنية
قد ما عيِّطو و هات ما فزَّعتو
ما لمِّيتو حد
كشفتو عار ترمكم
للأمة جملية
°°°
آخر طلعة ليكم
طرحة الآنونيم
و أخمج ميلود
إكشف عالهوية
وقابلني عيناني
وقُلِّي آش عطيت و سبّقت للخضراء
اكشف آش وهبتلها من عرقك
و من سهر الليالي
و تضحيات اعوام الصُّغر الغالي
قولِّي آش دفعت لتونس وامَّاليها من بيض الأفعال
قابلني عيناني
في ميدان القول
وترتيب الميزان
وبنيان القوافي
قابلني عيناني ياللي ما تحياش
قدَّام النسوان و قُدَّام الرجّالة
متاع الفايسبوك
سفيان وأمين
البيقة و الزبراط
خميس والمرساوي
ريمو و بنت البنجي
إكشف عالهوية
قدَّام الحراير
اللي شوولك الكبيدة
باللَّسن المتحرر
واللُّغة اللي اترشق
كانك حق فحل
إكشف عالهوية
توة تبان اعواركم جملة مكشوفة
و سيرتكم كذَّابة
وعقيدتكم تعصيص تنوفيق المرمادة
°°°
بان خوركم فاضح
ياخوان السَّفاهة
عملتو كل فضايح
ما حصدتوشي شيء
رانا بعاد عليكم
في الشكل وفي المضمون
عمارتنا مليانة
ترزم تدرز نار
موشي بنِّي بنِّي وفوشيك الفسَّاي
متاع أخيب ميلود