khil we lil

مرة أخرى أعيد الكرة انشر عنوان تدوينة في مدونتي الجديدة مع الرابط
http://khilazwaw.blogspot.com/2009/12/59.html

قمت بمراسلة طلبت فيها إدراج خيل وليل الجديدة على التن-بلوغ ، مع الأسف ما وقعش رد فعل من صديقنا حسين، قلت ما يسالش ربما لاهي، توة يجي دوري، هبطت البارح في اللبل تدوينة على خيل وليل هاذي اللي في الوورد براس حطيت فبها الرابط للمدونة الجديدة ، ما راعني إلا لهالساعة ما تنزلتش في قائمة الإصدارات الجديدة، الشيء اللي أثار استغرابي، و إن كان واحد من الآسباب اللي خلاني نرجع لبلوقر هو المشاكل الموجودة على الوورد براس (ربما آنا بوجادي والا زكرة في تقنيات الوورد براس) اللي ما تخلينيش انزل الصور و التساجيل الصوتية و المرئية. على كل مرة أخرى نحط الرابط متاع خيل وليل الجديدة ريثما تاخذ بقعتها في التن-بلوغ و تتسكر هالمدونة هاذي.
http://khilazwaw.blogspot.com/

إلى أن يتم إدراج مدونة خيل وليل الجديدة في التن بلوق هذا الرابط لهذه التدوينة

Tous mes vœux pour l’aïd, bonheur santé et surtout citoyenneté affin que la blogo demeure une place de citoyenneté plutôt qu’un gramophone de la Voix de son Maître.

مكتوب وفا و الكفالـُّري خلطت في أخر الفيلم، باش مَنّعت “الأرملة واليتيم” من كمشة هوير غبَّارة يبثوا في السموم و يلموا في الفلوس بالبالة….

أمَّا الصحيح (يحب يقول البطل) برغم اللي هو “شرِّير مات وهبّطوا عليه آلاف المعجبين والمعجبات صيعان دموع….

وقد ما لوَّجت على الباهي(الخَيِّرْ) كيما في الفيلموات الكل ما لقيتوش؟؟؟؟ طلعت و هبطت في الحساب و قلت بيني و بين روحي آش ما دخلك في هالدعازق الصبوتات متاع الإشهار كي الميزاب تصب في الملاين في كاسة الكسَّابة ترصيلناش كي هاك الط…. اللي يحسبوا؟؟؟ ياخي جوغورطة وصَّاني على هالبلاد….

الناس شايخة عاملة بون كيف وانت تلوَّج على المورال والموعظة الحسنة اللي في الخرَّافة ماو لا باس آخي وصَّاك على بن غذاهم على هالبلاد؟؟؟

في كل تريميستة تجيني دفعة متاع آتاوات لفائدة الإ ت ت نقعدشي ساكت؟

إي توة نعملولك قناة على كيفك آخي وصَّاك علي بن خليفة على هالبلاد؟

قالوا البعض اللي الخرَّافة مراية تعكس صورة من المجتمع التونسي و من شبيبتها و أخلاقها و من قيمها قُلنا أي معقول أمَّا ما راعني اللي اللغة اللي يتكلموا بيها نرى كيفاه ضهرتلي تراش ناقصة مسوسة ناقصة أفـَّاح متاع هاك الترييييط في سب الجلالة و الوالدين و النعوت اللذيذة للأمَّات و الأخوات و النساء بصورة عامة و هاك البنة متاع الأدوات التناسلية المتعددة و الأفعال المشتقة منها سواء كانت حلال و الا حرام….

وليت سكت على روحي وقلت آخي وصَّاك الطاهر الحدَّاد خيرا بهالبلاد….

على هذاكة بيني وبينكم قرَّرت نعلمكم باش ما تعملوش علية من ناحية القيام بتدوينة نقدية و تحليل اجتماعي لمسلسل مكتوب و قالك اللي تراه راكب فركة قول له مبروك الحصان و الا حتَّى الهامر…

عندما كنت صغيرا، كنت أحبو الكلمات
كنت طفلا، ألعب الحرف و ألهو الكلمات
كنت أصواتا بلا معنى، وراء الكلمات
و تخطيت سنينا عثرتها الكلمات
أركض الأحلام و الأوهام خلف الكلمات
و وراء الزمن الهارب أعدو الكلمات
كل ما أغرفه أني ظلمت الكلمات
و سمعت الناس يصغون لصوت الكلمات
فتكلمت… و لكن لم أفدها الكلمات
ليس بالهزل و لا بالجهل خوض الكلمات!
و تألمت كثيرا في جراح الكلمات
و سفحت العمر دمعا من عيون الكلمات
و لقد مت مرارا في سبيل الكلمات
فصدور الناس قد كانت قبور الكلمات
يستجيرون بها منها …و أين الكلمات؟
بيع ما فيهم من الحس فماتوا الكلمات
كالدمى الخرساء لا تعرف معنى الكلمات
هي لحن بشرى رددته الكلمات
نغم وقّعه الإلهام يرجو الكلمات
و رؤى سكرى تهادت في رياض الكلمات
هي روح الكون زخّار بفيض الكلمات
تتراءى حلما يقضان عبر الكلمات
قل لمن هَمْهَمَ في الناس و خاف الكلمات
إنما أنْتَ شفاه ضَمِئَتْ للكلمات
و نداء حائر في الصوت بحّ الكلمات
آدك الصمت… فهلا ّقلت بعض الكلمات
أوَ تخشى الناس و الحقّ سجين الكلمات؟
حيوان أنت لا تفقه لولا الكلمات
و نبات أو جماد أنت لولا الكلمات
ما الذي ترجوه من دنياك لولا الكلمات
أنت إنسان لدى الناس رسول الكلمات
فتكلم، و تألـّم، و لتمت في الكلمات
و إذا ما عشت فيهم فلتكنْ للكلمات…

يُـهْـدَر الشاعر في الناس و تحيا الكلمات
و يموتون بلا ذكرى و تبقى الكلمات

ملحق للي ناقص فهامة: عن غيض الحواسد والرقيب، إملأ يا طبيبي

ثلاثة من الرجال يا هلال بو علي يستاهلو البكاء و عليهم تنق العين يغرد نحيبها.

الأول منهم اللـّي يعرض راسه للبلا و يطفـّي نار سامر لهيبها.

و الثاني منهم اللـّي يفرح بالخاطر ليا لفى في سنين الشدة و الشحايح منين الرجال شربة من القربة يكيدها.

و الثالث منهم خفيف النفس فصيح اللسان اللـّي ياخذ حقه و حق من يريدها.

و باقيهم يا هلال بو علي، غير بص على العمى…

جيـّابات ذراري، حرّازات نساء، كثـّارات رموز، هزّازات كلام، وكـّالات مثاريد عصيدها لا يستاهلو لا حزن و لا بكـاء.

و للي ما فهموش معنتها شلايك

أنا الذي شيخ

أنا الذي شيخ في القول راوي***غرست النشاوي
أنا الذي نقمة للي بلاوي
***
أنا الذي شيخ في القول شايع***مالي ردايع
أنا الذي نقمة لاهل الخدايع
نهار الذي تنتقل التلايع***نهار النطايع
نبارزك بالزناد و الجناوي
***
أنا الذي شيخ في القول طايل***و مالي مثايل
وانا الذي نقمة أهل الرذايل
نركب على كوت مدُّب هايل***نخلـّف قتايل
و متن الوطا نخلـّفه بدم راوي
***
أنا الذي في القول شيخ راني***مفرد زماني
أنا الذي نقمة للي هجاني
نسقيه عصر الحدج بالحفاني***لانه بداني
نخلـّيه في الهم يقعد يعاني
***
أنا الذي شيخ في القول باذخ***قريت التوارخ
انا الذي نقمة اللي منافخ
من الدم وجهك نخلـّيه فاسخ***و الدمع ناخخ
من لحظتك يهطل شبوب قاوي
***
أنا الذي شيخ في القول توا***ألفاضي حلوة
أنا الذي نقمةْ اللي تقوى
يا قيف يا جطري ماك بوّه***كما بوم عوّى
يبعوق على برج معدوم خاوي
***
أنا الذي شيخ في القول ماهر***مشهور ظاهر
انا الذي نقمةْ اللي عواهر
توة نجمهر عليك الجماهر***نضحـّك الساهر
عليك يا قيف يا بو النداوي
***
عليك يا قيف يا سي سلكة***وجه البركـَّة
و من حوزك العرس توَّ نفكه
و نحاسبك بمبردي أنا نحكَّه***نخلـّيك دكة
في جون ما ليك مصباح ضاوي
***
قي جون ما ليك مصباح يضوي***و لا طبل يدوي
جاهل من العلم دقلاف بدوي
لا فقه لديانتك لاك نحوي***لا شي تروي
من العلم حتى يسير الفداوي
***
جاهل بغل رمز ماليك صاية***عديم الدراية
أنا الذي صاحب العلم راية
العربي النجار ناقل زغاية***لصربة أعداي
من نضربه ندعسه في الكلاوي
***
من نضربه ندعسه ما يعتـّق***ضلوعه نفـتّـق
نكويه حتى عيوبه تنتـّق
و دويلته فيه زادة نشتـّق***و تحت المرتّق
نرميه في بير يهبط يناوي
***
نرميه في بير ضيـّق و غارق***مسكن بطارق
م الجان يسقوه من سم خارق
نكووه بالسيميا و المحارق***حتى يفارق
روحه بتعذيب مارد سماوي

“L’avantage d’être intelligent, c’est qu’on peut toujours faire l’imbécile, alors que l’inverse est totalement impossible.”

(Woody Allen)

A bon entendeur pas de salut.